Կառավարությունում աջակողմյան կառավարմամբ (աջ ղեկով) ավտոմեքենաներն արգելող օրինագիծ չի մշակվում: Այս մասին PanAMENIAN.Net-ին հայտնեց տեղեկատվության և հասարակայնության հետ կապերի վարչության պետի պաշտոնակատար Հռիփսիմե Առաքելյանը:
«Կառավարության աշխատակազմում նման նախաձեռնություն չկա: Հիմք էլ չկա: Քննարկումներ այս թեմայի շուրջ նույնպես չեն տարվում», – ասաց Առաքելյանը:
Ավելի վաղ Araratnews.am-ը գրել էր, որ Կառավարությունում մշակվում է օրինագիծ, որով կարգելի աջ ղեկով մեքենաների շահագործումը:
Ըստ աղբյուրի՝ ներմուծվող ավտոմեքենաների համար կտրվի 60-օրյա ժամկետը ղեկը ձախակողմյան փոխելու համար, հանրապետության տարածքում արդեն շահագործվող ավտոմեքենաների համար ևս կտրվի ժամկետ:
Կարդացեք նաև՝ՃՈ պետը՝ աջ ղեկով մեքենաների հնարավոր արգելքի մասին. «Տեղյակ չենք»
