Բյուրականի մերձակա բուսածածկ տարածքում բռնկված հրդեհի վայրում հրդեհաշիջման աշխատանքները չեն դադարեցվել ամբողջ գիշեր:
ԱԻՆ հաղորդմամբ՝ սեպտեմբերի 6-ին՝ առավոտյան ժամը 7:30-ի սահմաններում, ՀՀ ՊՆ ավիացիայի ուղղաթիռն իրականացրել է հետախուզական թռիչք:
Ժամը 9:30-ի դրությամբ հրդեհաշիջման աշխատանքներին մասնակցում է 152 փրկարար ծառայող:
Սեպտեմբերի 3-ին՝ ժամը 15:26-ին ՀՀ ԱԻՆ ճգնաժամային կառավարման կենտրոնում ահազանգ է ստացվել, որ Արագածոտնի մարզի Բյուրական գյուղին հարակից սարին՝ անտառում, հրդեհ է բռնկվել:
Ավելի վաղ հաղորդվել է, որ այրվել է ավելի քան 80 հա տարածք:
