Արցախի Հանրապետության ազգային անվտանգության ծառայության պետ Արշավիր Ղարամյանին ԱՀ հաջորդ պետնախարարնշանակելու որոշում չկա: Այս մասին լրագրողների հետ հանդիպմանն ասել է Արցախի պաշտոնաթող պետնախարար Արայիկ Հարությունյանը՝ անդրադառնալով Ղարամյանին վարչապետ նշանակելու մասին շրջանառվող տեղեկություններին:
Ավելի վաղ, Արցախի Ազգային անվտանգության ծառայության ղեկավար Արշավիր Ղարամյանը հրաժարական է տվել։
Հարությունյանը նշել է, որ իր համար մեծ պատիվ կլիներ, եթե իրեն պաշտոնում փոխարիներ Ղարամյանը:
«Բայց նորից ուզում եմ նշել, որ որոշումը (ԱՀ պետնախարարի նշանակման մասին, – խմբ.) այլ է լինելու», – ասել է Հարությունյանը:
Ավելի վաղ, Արցախի Հանրապետության պետական նախարար Արայիկ Հարությունյանը հունիսի 6-ին աշխատանքից ազատվելու մասին դիմում է ներկայացրել ԱՀ նախագահ Բակո Սահակյանին:
