Բնակության հասցեում հաշվառված նախկին բնակիչներին կարելի է հանել հաշվառումից՝ դիմելով անձնագրային ծառայություն: Այդ մասին իր ֆեյսբուքյան էջում գրառում է կատարել ոստիկանության անձնագրային և վիզաների վարչության պետ Մնացական Բիչախչյանը:
«Եթե սեփականության իրավունքով պատկանող ձեր բնակարանում հաշվառված են նախկին բնակիչները, կարող եք դիմել տարածքային անձնագրային ծառայություն, նրանց հաշվառումից հանելու դիմում ներկայացնելու համար՝ դիմումին կցելով սեփականության իրավունքի վկայականի պատճենը»,-ասվում է գրառման մեջ:
Գրառման մեջ նշվում է նաև, որ հասցեում հաշվառված անձանց ցանկին կարելի է ծանոթանալ ոստիկանության աշխատակցի կողմից բնակարան այցելության ժամանակ:
