ԱԺ պատգամավոր Արման Սահակյանը ֆեյսբուքյան իր էջում գրել է, որ կողմ է Ազգային ժողովի լուծարմանը և արտահերթ ընտրությունների անցկացմանը դեկտեմբերին:
«Հաշվի առնելով երկրում տիրող ճգնաժամային իրավիճակը, հայտարարում եմ, որ կողմ եմ Ազգային ժողովի լուծարմանը և արտահերթ ընտրությունների անցկացմանը դեկտեմբերին։ Համոզված եմ, որ ինձ հետ կհամաձայնվեն Շիրակի մարզի իմ ընտրողների ճնշող մեծամասնությունը», – ասել է Սահակյանը:
Պատգամավորն ավել վաղ դուրս էր եկել «Հանրապետական» խմբակցությունից:
Ավելի վաղ ԱԺ «Հանրապետական» խմբակցության պատգամավոր Ալիկ Սարգսյանը հայտարարել էր, որ առաջիկա օրերին խմբակցությունը լքելու մասին հայտարարությամբ հանդես կգա:
ԱԺ «Հանրապետական» խմբակցության պատգամավոր Գևորգ Կոստանյանն էլ ասել էր, որ ՀՀ վարչապետ Նիկոլ Փաշինյանն ազնիվ է իր նպատակների մեջ, և որ ինքը պատրաստ է «յուրաքանչյուր պահի կանգնել նրա կողքին»:
