ԱԺ «Ծառուկյան» խմբակցության պատգամավոր Վահե Էնֆիաջյանը լրագրողների հետ զրույցում ասել է, որ «Բարգավաճ Հայաստան» կուսակցության ամբողջ քաղաքական թիմը կարծում է՝ արտահերթ խորհրդարանական ընտրությունների նախընտրական ցուցակը կուսակցության նախագահ Գագիկ Ծառուկյանը պետք է գլխավորի:
Էնֆիաջյանի խոսքով՝ քաղաքական ուժը պաքարելու է առավելագույն ձայներ ստանալու համար: Ըստ պատգամավորի, խմբակցությունը մեծ կադրային ներուժ ու հավակնություններ ունի, սակայն «որոշողը ժողովուրդն է»:
Անդրադառնալով խմբակցության ղեկավար Ծառուկյանի բացակայություններին ԱԺ նիստերից, պատգամավորն ասել է, որ «բոլորը հարգելի են»:
Ավելի վաղ ԱԺ «Հ. Յ. Դաշնակցություն» խմբակցության ղեկավար Արմեն Ռուստամյանը լրագրողների հետ զրույցում հայտարարել է, որ ՀՅԴ-ն արտահերթ խորհրդարանական ընտրություններին դաշինքով չի մասնակցելու:
Հոկտեմբերի 24-ին խորհրդարանը չի ընտրել վարչապետ: Եվս մեկ անգամ վարչապետ չընտրելու դեպքում, այն կարձակվի օրենքի ուժով, և դեկտեմբերին կանցկացվեն արտահերթ խորհրդարանական ընտրություններ:
