ՀՀ վարչապետի աշխատակազմի ղեկավար Էդուարդ Աղաջանյանը Հանրային հեռուստաընկերության եթերում հայտարարել է, որ այն աշխատողները, որոնք պետական համակարգի օպտիմալացման և մի շարք նախարարությունների վերակազմավորման արդյունքում գործազուրկ կդառնան՝ երեք ամիս օրենքով սահմանված կարգով կստանան աշխատավարձ:
Աղաջանյանը նշել է նաև, որ այս աշխատողները կրճատվելուց երեք ամիս առաջ կտեղեկացվեն այդ մասին, հետևաբար նրանք կունենան վեց ամիս նոր իրավիճակին ադապտացվելու և նոր աշխատանք գտնելու համար:
Աղաջանյանն ասել է, որ օպտիմալացումը վերաբերելու է 4-5 նախարարության, որոնք վերակազմավորվելու են այլ գերատեսչությունների մեջ:
Ավելի վաղ հայտնի է դարձել, որ ՀՀ մշակույթի և սփյուռքի նախարարությունները լուծարվելու են. գերատեսչությունների աշխատողները կառավարության շենքի մոտ բողոքի ակցիայի էին դուրս եկել:
Ընթերցեք նաև՝ «Ինչքան է ծախսվում սփյուռքի ու մշակույթի նախարարությունների վրա և քանի աշխատող ունեն կառույցները»:
