Հունվարի 14-ին՝ ժամը 15:00-ին, Երևան քաղաքի ընդհանուր իրավասության դատարանի Կենտրոն նստավայրում կքննվի Մարտի 1-ի գործով մեղադրյալ ՀՀ երկրորդ նախագահ Ռոբերտ Քոչարյանի նկատմամբ խափանման միջոց կալանքը գրավով փոխարինելու վերաբերյալ միջնորդությունը:
Նիստը կկայանա դատավոր Արթուր Մկրտչյանի նախագահությամբ:
Պաշտպանական խմբի փոխանցմամբ, դատարանը միևնույն ժամանակ կքննի նաև ՀՀ հատուկ քննչական ծառայության քննիչի կողմից Քոչարյանի նկատմամբ խափանման միջոց կալանավորումը ևս երկու ամսով երկարացնելու վերաբերյալ միջնորդությունը:
Ավելի վաղ Ռոբերտ Քոչարյանի կալանավորումը գրավով փոխարինելու վերաբերյալ միջնորդությունը քննող դատավոր Նելլի Բաղդասարյանն ինքնաբացարկ է հայտնել:
