ՀՀ կրթության և գիտության նախարար Արայիկ Հարությունյանը ֆեյսբուքյան իր էջում գրել է, որ դպրոցական պայուսակները երկու անգամ ավելի թեթև կլինեն. դասագրքերը կլինեն երկհատոր:
«Քննարկումներից հետո որոշեցինք, որ նոր դասագրքերը լինելու են երկհատոր, ինչը հնարավորություն կտա մոտ երկու անգամ թեթևացնել դպրոցական պայուսակները երեխաների համար: Մեր երեխաների առողջությունը կարևոր է մեզ համար», – գրել է նախարարը:
Նա նաև ընդգծել է, որ դասագրքերի այս փոփոխությունը ծնողների համար լրացուցիչ ֆինանսական բեռ չի ստեղծի:
