Լոռու մարզպետ Անդրեյ Ղուկասյանը ֆեյսբուքյան իր էջում գրել է, որ վերջերս դիմել է մարզային դատախազություն նախկին մարզային իշխանության կողմից «մարզպետի ֆոնդից սոցիալական աջակցություն ստացած անձանց ցուցակները» ուսումնասիրելու խնդրանքով:
«Նախկին իշխանության ներկայացուցիչները, պարզվում է, Ապրիլյան պատերազմում զոհվածի ընտանիքին ըստ փաստաթղթի տրամադրել են 50,000 դրամ, իրականում, սակայն, հատկացվել է 30,000, ստորագրվել 50,000 դրամի դիմաց՝ կեղծելով զոհվածի հարազատի ստորագրությունը», – հայտնել է մարզպետը:
Հարուցվել է քրեական գործ։
Նախորդ տարիներին Լոռու մարզպետի ֆոնդից սոցիալական աջակցություն ստացածների ցուցակների ուսումնասիրությունը շարունակվում է:
