Եվրոպայի խորհրդի գլխավոր քարտուղար Թորբյորն Յագլանդը Ստրասբուրգում հայտարարել է, որ Լեռնային Ղարաբաղում ևս պետք է աշխատեն մարդու իրավունքների կոմիտեի մշտադիտարկման խմբերը: Այդ մասին նա ասել է ՀՀ վարչապետ Նիկոլ Փաշինյանի հետ համատեղ մամուլի ասուլիսում:
Յագլանդն անթույլատրելի է համարում այն իրողությունը, որ մարդու իրավունքների հանձնակատար Դունյա Միյատովիչը չի կարող այցելել «գորշ գոտիներ»՝ նշելով, որ մշտադիտարկման եվրոպական մարմինները և մարդու իրավունքների հանձնակատարը պետք է նաև այդ տարածքներում աշխատեն:
Յագլանդը հայտարարել է նաև, որ ղարաբաղյան հակամարտության հարցում ԵԽԽՎ-ի համար անընդունելի են ուժի կիրառման սպառնալիքները:
Վարչապետ Նիկոլ Փաշինյանն ապրիլի 10-11-ը աշխատանքային այց Ստրասբուրգում է: Յագլանդից բացի նա վարչապետը հանդիպումներ կունենա Եվրոպայի խորհրդի խորհրդարանական վեհաժողովի նախագահ Լիլիան Մորի-Պասկիեի, Եվրոպայի խորհրդի Վենետիկի հանձնաժողովի նախագահ Ջաննի Բուքիքիոյի հետ:
