Հայաստանում 2018 թվականին գրանցվել է վերջին 40 տարում սպանությունների ամենացածր ցուցանիշը: Այս մասին ՀՀ Ազգային ժողովի Պետաիրավական հարցերի մշտական հանձնաժողովի նիստում հայտնել է ՀՀ գլխավոր դատախազ Արթուր Դավթյանը:
«2018-ին ունեցել ենք սպանությունների՝ վերջին առնվազն 30-40 տարվա ընթացքում ամենացածր ցուցանիշը: 38 սպանություն է տեղի ունեցել հանրապետությունում 2018-ին: Սպանությունների միտումը գնում է դեպի նվազում»,- ասել է Դավթյանը:
2018-ին բնակարանային գողությունների աճը 2017-ի համեմատ կազմել է 60 տոկոս: Այդ մասին հայտարարել է ՀՀ գլխավոր դատախազ Արթուր Դավթյանն Ազգային ժողովի Պետաիրավական հարցերի մշտական հանձնաժողովի նիստի ընթացքում, որտեղ քննարկվում է «ՀՀ դատախազության 2018 թվականի գործունեության մասին» հաղորդումը:
