Մարտի 1-ի գործով ՀՀ երկրորդ նախագահ Ռոբերտ Քոչարյանի աջակիցները հարվածել են դատարանի մուտքի մոտ ընդդեմ Քոչարյանի ակցիա իրականացնող ակտիվիստ Վարդգես Գասպարիին, պատռել նրա պաստառը:
Նրանք պահանջել են նաև դուրս բերել Գասպարիին դատարանի տարածքից:
«Ազատություն» ռադիոկայանի հետ զրույցում, Գասպարին նշել է, որ Քոչարյանի աջակիցներից մեկը շշով հարվածել է իր դեմքին:
Ավելի վաղ մեկնարկել է Մարտի 1-ի գործով դատական առաջին նիստը, որին ներկա է գործով մեղադրյալ ՀՀ երկրորդ նախագահ Ռոբերտ Քոչարյանը:
