Իշխող «Քաղաքացիական պայմանագրի» կուսակցության նորընտիր վարչության փոխնախագահներ են ընտրվել Ռուբեն Ռուբինյանը և Հակոբ Սիմիդյանը։ Այս մասին ֆեյսբուքյան իր էջում տեղեկացրել է կուսակցության մամուլի քարտուղար Վահան Կոստանյանը:
Նրանք երկուսն էլ ԱԺ «Իմ քայլը» խմբակցության պատգամավորներ են:
Ավելի վաղ տեղի է ունեցել կուսակցության 5-րդ համաժողովը, որի ժամանակ ընտրվել և հաստատվել էր վարչության կազմը:
Վարչության նախագահ էր ընտրվել ՀՀ արածքային կառավարման և ենթակառուցվածքների նախարար Սուրեն Պապիկյանը:
