ՀՀ երրորդ նախագահ Սերժ Սարգսյանը հանդիպել է ՀՀԿ երիտասարդական ֆորումի մասնակիցներին, հայտնել է կուսակցության լրատվական ծառայությունը:
Օգոստոսի 2-ից 4-ը ՀՀԿ երիտասարդական կազմակերպությունը Դիլիջանում անցկացրել է «Եկ Դիլիջան» երիտասարդական ֆորումը։
«Ֆորումին այցելել է ՀՀ երրորդ նախագահ, ՀՀԿ նախագահ Սերժ Սարգսյանը: Ծավալված բաց և անկաշկանդ զրույցի ընթացքում երիտասարդները կուսակցության առաջնորդի հետ քննարկել են հետագա գործողությունների ռազմավարությունը, մտքեր են փոխանակել ներքաղաքական և միջազգային անցուդարձի վերաբերյալ», – ասված է ՀՀԿ հաղորդագրության մեջ:
Զրույցից մանրմասներ կուսակցության գրասենյակից չեն հայտնել:
