2019 թվականի փետրվարից ներդրված՝ գլխուղեղի սուր իշեմիկ կաթվածի անվճար բուժման ծրագրի շնորհիվ յոթ ամսում 151 կյանք է փրկվել, հայտնել է ՀՀ առողջապահության նախարարությունը:
Նշվում է, որ նվազել են նաև կաթվածի հետևանքով հաշմանդամություն ձեռքբերելու դեպքերը:
Պետական պատվերը գործում է գլխուղեղի իշեմիկ կաթվածի կլինիկական նշանների ի հայտ գալու պահից 24 ժամվա ընթացքում: Ծառայությունները մատուցվում են երկու բժշկական կենտրոնում՝ «Էրեբունիում» և Հերացի թիվ 1 հիվանդանոցային համալիրում:
