«Միասնության թևեր» քաղաքական նախաձեռնության ղեկավար Արման Թաթոյանն ու «Շանթ դաշինք» ազգայնական կուսակցության նախագահ Շահեն Հարությունյանն ստորագրել են քաղաքական համագործակցության մասին հուշագիր։ Այդ մասին ասվում է «Միասնության թևեր» նախաձեռնության ֆեյսբուքյան էջում։
«Փաստաթուղթը սահմանել է այն ընդհանուր արժեքները, նպատակները և գործողությունները, որոնք միտված են` ազգային միասնականության վերականգնմանը, պետական ինքնիշխանության պաշտպանությանը, ժողովրդավարական կառավարման ամրապնդմանը»,–ասվում է գրառման մեջ։
ՀՀ–ում խորհրդարանական ընտրությունները կայանալու են 2026–ի հունիսին։
