Հայաստանի Կարմիր գրքում և ԲՊՄՄ Կարմիր ցուցակում ընդգրկված բեզոարյան այծերը հայտնվել են «Խոսրովի անտառ» պետական արգելոցի տեսաթակարդի տեսադաշտում։ Արգելոցի Ֆեյսբուքի էջում բեզոարյան այծերի մասնակցությամբ տեսանյութ և լուսանկարներ են հրապարակվել։
«Բեզոարյան այծերը բնության արժեքավոր ներկայացուցիչներից են։ Դրանք ընդգրկված են Հայաստանի Կարմիր գրքում և ԲՊՄՄ Կարմիր ցուցակում, ուստի դրանց պահպանությունը կարևոր նշանակություն ունի էկոհամակարգերի հավասարակշռության պահպանման համար»,- ասվում է գրառման մեջ:
