Արգենտինայի թենիսի հավաքականի ավագը Մոդեստո Վասկեսը հուսով է, որ Դեւիսի գավաթի Ռուսաստանի թիմի հետ քառորդ եզրափակչում կկարողանա ընդգրկել երկրի բոլոր լավագույն թենիսիստներին, հաղորդում է gotennis.ru-ն` հղում անելով La Nacion թերթին:
Եզրափակչի 1/8-ում արգենտինացիները հաղթանակի հասան Շվեդիայի հավաքականի հանդեպ այն բանից հետո, երբ Դավիթ Նալբանդյանը, որը հասցրեց ապաքինվել վնասվածքներից հետո, հաղթեց վճռորոշ հինգերորդ մենամարտում:
Բնութագրելով իր սաներին` Վասկեսը հայտարարել է, որ Ռուսաստանի հավաքականի դեմ խաղում, որը Մոսկվայում ընթացող Դեւիսի գավաթում չի պարտվել արդեն 17 խաղ անընդմեջ, նրան հարկավոր կլինեն բոլոր առաջատարների ծառայությունները:
«Երբ մոտենա խաղի օրը, ես հուսով եմ, որ լավագույն խաղացողները կկարողանան խաղալ հավաքականի կազմում: Միշտ դժվար է խաղալ հակառակորդի դաշտում, իսկ նման հակառակորդի դեպքում` առավել եւս»,-ասել է Վասկեսը:
2010թ. Դեւիսի գավաթի եզրափակչի 1/4-ում Ռուսաստան-Արգենտինա խաղը կանցնի Մոսկվայում հուլիսի 9-11-ը:
