«Շախտյորի» կիսապաշտպան Հենրիկ Մխիթարյանը առաջին անգամ հանդես եկավ Չեմպիոնների լիգայում պորտուգալական «Բրագի» թիմի հետ մենամարտում, որտեղ Դոնեցկի ակումբը համոզիչ հաղթանակ տարավ 0:3 հաշվով:
Հայաստանի հավաքականի կիսապաշտպանը խաղից հետո նշել է, որ Չեմպիոնների լիգայում խաղի բոլորովին այլ մակարդակ է: «Ուկրաինայի առաջնությունում, անշուշտ, լինում են լուրջ խաղեր, սակայն սա բոլորովին այլ բան է: Եվ շատ լավ է խաղալ նման մրցաշարերում: Չեմ կարող ասել, որ վստահ եմ, որ դաշտ դուրս կգամ հիմնական կազմում, սակայն մարզիչը նման պատասխանատվություն է ստանձնել: Եվ ես արեցի ամեն ինչ, որպեսզի նա գոհ մնա իմ խաղից: Ընդմիջման ժամանակ Լուչեսկուն ասաց, որ, ես կարող է խաղամ հիմնական կիսապաշտպանի տեղում, իսկ դաշտում կհայտնվի Ժադսոնը: Սակայն նույնիսկ եթե մարզիչն ինձ փոխարիներ, ես դեմ չէի լինի, քանի որ սա ֆուտբոլ է, և եթե ես օգտակար չեմ թիմին, ես պետք է դաշտում լինեմ»,-ասել է Մխիթարյանը, հաղորդում է terrikon.dn.ua-ն:
Միևնույն ժամանակ ֆուտբոլիստը համաձայն չէ, որ «Շախտյորը» առանց դժվարության հաղթեց Պորտուգալիային: «Առաջին խաղակեսում ծանր էր, քանի որ կոշտ պայքար էր գնում: Մենք այնքան չէինք նյարդայնանում, ինչպես մրցակիցը, 0:0 հաշիվը պահպանեցինք մինչև ընդմիջումը և դա մեր օգտին էր: «Բրագան» տանն էր խաղում և ստիպված էր հարձակվել՝ հաղթելու համար: Սակայն մեզ հաջողվեց հաղթել»,-ասել է հայ կիսապաշտպանը:
