Սեպտեմբերի 10-ին Վանաձորի «Աշխատանքային ռեզերվներ» մարզադահլիճում տեղի կունենա Հայաստանի սեղանի թենիսի առաջնությունը սահմանափակ հնարավորություններով մարդկանց շրջանում, PanARMENIAN.Net-ին են հայտնել Հայաստանի հաշմանդամային սպորտի ազգային ֆեդերացիայի մամլո ծառայությունում:
Սա չորրորդ առաջնությունն է, որն անցնում է «Սպորտի միջոցով դեպի հասարակություն» ծրագրի շրջանակներում, մինչ այդ տեղի են ունեցել լողի, բոչիայի ու առագաստային սպորտի մրցումներ:
Առաջնության նպատակն է սեղանի թենիսի տարածումն ու զարգացումը հաշմանդամների շրջանում, ուժեղագույնների հայտնաբերումը և ՀՀ հավաքականի կազմավորումը:
Առաջնությանը կմասնակցեն 30 մարզիկներ տարբեր ակումբներից:
