Հունվարի 17-ին «Կուբան» ՖԱ-ն Բելեկում անցկացրել է երկրորդ ընկերական խաղը «Լոկոմոտիվի» հետ (Աստանա, Ղազախստան) և հաղթել 2:0 հաշվով:
Ռուսական թիմի կազմում հանդես են եկել Հայաստանի հավաքականի ֆուտբոլիստներ Կառլեն Մկրտչյանը և Գևորգ Ղազարյանը, որոնք ակումբում փորձաշրջան են անցնում:
Հայաստանի առաջնության լավագույն ռմբարկու Գևորգ Ղազարյանը երկու անգամ դաշտ է դուրս եկել: Առաջին անգամ դաշտ է դուրս եկել մեկնարկային կազմում, երկրորդ անգամ` Բուկուրի վնասվածքից հետո, հաղորդում է ակումբի պաշտոնական կայքը:
«Եվ մենք, և հակառակորդը խաղացել ենք զգալի ծանրաբեռնվածության ֆոնի վրա, որը ֆուտբոլիստները ստանում են հավաքների ժամանակ: Ուստի թիմերի մոտ պակասում էր թեթևությունը: Բայց, չնայած դրան, մենք բավական լավ ենք շարժվել, արագությամբ գերազանցել մրցակցին, որի հաշվին հաղթանակ ենք տարել»,- ասել է Ղազարյանը խաղից հետո:
Նա նաև նշել է, որ երկրորդ խաղում իրեն ավելի լավ է զգացել, և յուրաքանչյուր մարզումի և խաղի հետ խաղային կապերն ամրապնդվում են. «Կուբանում» ես ինձ լավ եմ զգում, ինչը, բնականաբար, ազդում է խաղի վրա»:
