«ԱրմենՏել» ընկերությունը դարձավ Հայաստանի Նկարիչների միությունում բացված երիտասարդ ստեղծագործողների Հանրապետական երրորդ մրցույթ-ցուցահանդեսի գործընկերը:
Երիտասարդ ստեղծագործողների Հանրապետական Երրորդ մրցույթ-ցուցահանդեսը նվիրված է սիրո և երիտասարդության տոնին: Ցուցահանդեսն անցկացվում է ամեն տարի Սիրո արագահաս բարեխոս Սբ. Սարգսի օրը: Միջոցառման նպատակը Հայաստանում և արտասահմանում հայկական գեղարվեստական և մշակութային արժեքների պահպանումն ու տարածումն է: Ցուցահանդեսին ներկայացված երիտասարդ ստեղծագործողների աշխատանքները նվիրված են սիրո թեմային:
«Հետամուտ լինելով բիզնեսի սոցիալական պատասխանատվության սկզբունքներին, «ԱրմենՏել» ընկերությունը շարունակում է աջակցել տաղանդավոր երիտասարդներին, նպաստելով նրանց ստեղծագործ զարգացմանը և խրախուսելով նախաձեռնությունները` հանուն Հայաստանի», – ասաց «ԱրմենՏել» ՓԲԸ-ի Գլխավոր տնօրեն Իգոր Կլիմկոն:
Լավագույն աշխատանքների մրցույթը կանցկացվի 4 անվանակարգում` գրաֆիկա, գեղանկարչություն, քանդակագործություն և դեկորատիվ-կիրառական արվեստ: Յուրաքանչյուր անվանակարգում կտրվեն մրցանակներ առաջին, երկրորդ և երրորդ տեղերի համար:
Ցուցահանդեսն անց է կացվում Հայաստանի Հանրապետության նախագահ Սերժ Սարգսյանի բարձր հովանու ներքո: Միջոցառման կազմակերպիչն է «Աշխարհի հայ նկարիչների միավորումը»:
