Հայաստանի հավաքականի պաշտպան Ռոբերտ Արզումանյանը լեհական «Յագելոնիայի» կազմում հանդես է գալու 25-րդ համարի տակ, հաղորդում է ակումբի պաշտոնական կայքը: Ֆուտբոլիստն այս տարվա հունվարին պայմանագիր է ստորագրել ակումբի հետ և մինչև 2014-ը հանդես է գալու այնտեղ:
Լեհաստանի առաջնությունում փետրվարի 26-ին «Յագելոնիան» անցկացնելու է այդ խաղաշրջանի առաջին խաղը «Սլասկոյի» դեմ, որտեղ Արզումանյանը փորձաշրջան է անցել մինչև «Յագելոնիա» անցնելը: Երկրի առաջնությունում ակումբը 30 միավորով գլխավորում է մրցաշարային աղյուսակը:
