Սննդամթերքի անվտանգության տեսչական մարմինը կասեցրել է Երևանի Սարյան փողոցի 16 հասցեում գործող «Օստ. գինի և ուտելիք» հանրային սննդի օբյեկտում «տոլմա» և «խինկալի» արտադրատեսակների արտադրությունը։
Տեսչական մարմնի տեղեկացմամբ՝ «Բոնօստ» ՍՊԸ-ին պատկանող օբյեկտում իրականացված ստուգման ընթացքում կատարված նմուշառման լաբորատոր հետազոտության արդյունքներով պարզվել է, որ «տոլմա» և «խինկալի» արտադրատեսակների նմուշները մեզոֆիլ աէրոբ և ֆակուլտատիվ անաէրոբ մանրէների (ՄԱՖԱնՄՔ) ցուցանիշով չեն համապատասխանել «Սննդամթերքի անվտանգության մասին» Մաքսային միության տեխնիկական կանոնակարգի պահանջներին։
Տեսչական մարմնի ղեկավարի որոշմամբ՝ նշված արտադրատեսակների արտադրությունը կասեցվել է։
Հայտնաբերված խախտումները վերացնելու համար տնտեսավարողին սահմանվել է համապատասխան ժամկետ։
