Վարչապետ Նիկոլ Փաշինյանի օգոստոսի 6-ի որոշումներով երեք պաշտոնյա ազատվել է զբաղեցրած պաշտոններից։
Պաշտոններից ազատվել են Բարձր տեխնոլոգիական արդյունաբերության նախարարի տեղակալի ժամանակավոր պաշտոնակատար Ռուբեն Սիմոնյանը, Ազգային անվտանգության ծառայության տնօրենի տեղակալ Արամ Հակոբյանը և Քաղաքաշինության կոմիտեի նախագահի տեղակալ Արման Պետրոսյանը։
Այլ որոշումներով 3 պաշտոնյա վերանշանակվել է զբաղեցրած պաշտոններում, իսկ Տաթևիկ Ավանեսյանը նշանակվել է Բարձր տեխնոլոգիական արդյունաբերության նախարարի տեղակալ։
Անդրանիկ Սիմոնյանը վերանշանակվել է Ազգային անվտանգության ծառայության տնօրենի, Քրիստիննե Գրիգորյանը՝ Արտաքին հետախուզության ծառայության պետի, իսկ Արթուր Ղազարյանը՝ Պետական պահպանության ծառայության պետի պաշտոնում։
Ավելի վաղ հայտնի դարձավ, որ նախկին կառավարության բոլոր նախարարները, բացառությամբ ԲՏԱ նախարարի, կշարունակեն պաշտոնավարել հունիսի 7-ի խորհրդարանական ընտրությունների արդյունքում ձևավորված կառավարության կազմում:
