Վարչապետ Նիկոլ Փաշինյանը Չոլպոն-Աթայում մասնակցել է Եվրասիական միջկառավարական խորհրդի նեղ կազմով նիստին:
Վարչապետներին դիմավորել է Ղրղզստանի նախարարների կաբինետի նախագահ Ադիլբեկ Կասիմալիևը, որից հետո տեղի է ունեցել համատեղ տեսալուսանկարահանման արարողությունը:
Նիստի սկզբում Ադիլբեկ Կասիմալիևը ողջունել է ներկաներին և շնորհավորել Նիկոլ Փաշինյանին՝ խորհրդարանական ընտրություններում հաղթանակի և ՀՀ վարչապետի պաշտոնում վերանշանակվելու առիթով:
Հաջորդիվ նիստի ընթացքում քննարկվել են Եվրասիական տնտեսական միության շրջանակում տարբեր ուղղություններով համագործակցությանը վերաբերող հարցեր:
Եվրասիական միջկառավարական խորհրդի ընդլայնված կազմով նիստը նախատեսված է օգոստոսի 7-ին։
