Փետրվարի 24-ին Հայաստանի հավաքականի կիսապաշտպան Հենրիխ Մխիթարյանի «Շախտյոր» ակումբն անցկացրել է երկրորդ ստուգողական խաղը թուրքական հավաքի ընթացքում: «Շախտյորը» չինական Սուպերլիգայի ներկայացուցիչ «Ցզյանսու Սայնտիին» պարտության է մատնել 5:0 հաշվով:
Չինական թիմի դեմ խաղը «Շախտյորը» անցկացրել է երկու կազմով, իսկ Մխիթարյանը դաշտ է դուրս եկել առաջին խաղակեսում:
Թուրքական հավաքի վերջին խաղը Միրչա Լուչեսկուի սաներն անցկացնելու են փետրվարի 26-ին «Սպարտակի» հետ, հաղորդում է ակումբի պաշտոնական կայքը:
