Ձերբակալվել է նախկին վարչապետ Հովիկ Աբրահամյանի եղբայրը: Այս մասին հայտնել են Հակակոռուպցիոն կոմիտեից, տեղեկացնում է «Հայկական ժամանակը»:
Գերատեսչությունից տեղեկացրել են, որ պաշտոնատար անձի կողմից պաշտոնեական լիազորությունները չարաշահելու, այդ արարքին օժանդակելու, պաշտոնեական կեղծիք կատարելու և կեղծ փաստաթուղթ օգտագործելու դեպքերի առթիվ ՀՀ հակակոռուպցիոն կոմիտեում իրականացվող քրեական վարույթի շրջանակում ձերբակալվել է ՀՀ նախկին վարչապետ Հ. Ա.-ի եղբայրը։
Հովիկ Աբրահամյանի եղբայրը Ջոնիկ մականունով հայտնի Հենրիկ Աբրահամյանն է, որն ավելի վաղ ևս անցել է մի շարք քրեական գործերով։
