Սեպտեմբերի 18-ից Մինսկի փողոցում ճանապարհային երթևեկության անվտանգությունը բարձրացնելու նպատակով համապատասխան միջոցառումներ են իրականացվելու, հայտնում է Երևանի քաղաքապետարանը։
Փոփոխությունները նախատեսվել են նաև բազմաթիվ բնակիչների կողմից բարձրացված խնդրին արձագանքելու նպատակով։
Մասնավորապես՝ հ. 21-244 հասցեին հարակից ճանապարհահատվածում հետիոտների անվտանգ տեղաշարժն ապահովելու համար կազմակերպվելու է հետիոտնային անցում՝ 1.14.1 գծանշմամբ։
Նույն հասցեին հարակից և հանդիպակաց ճանապարհահատվածներում նաև հասարակական տրանսպորտի կանգառի կետեր են կազմակերպվելու՝ համապատասխան ճանապարհային նշաններով և գծանշմամբ։
