«Հայաստան» խմբակցության ղեկավար Աննա Գրիգորյանն ու քարտուղար Արթուր Խաչատրյանը Ազգային ժողովում հյուրընկալել են «Հայաստանում Ժողովրդավարության միջազգային դիտարանի» (IODA) անկախ փաստահավաք առաքելության ներկայացուցիչներին։
Հանդիպման ընթացքում խմբակցության ներկայացուցիչները ներկայացրել են Հայաստանում քաղաքական հետապնդումների, մարդու իրավունքների վիճակի, ինչպես նաև, իրենց գնահատմամբ, ժողովրդավարական ինստիտուտների հետևողական քայքայման վերաբերյալ կոնկրետ փաստեր։
Զրույցի ընթացքում առանձին ուշադրություն է դարձվել կալանքը որպես խափանման միջոց կիրառելու հարցին։ Խմբակցության ներկայացուցիչները բարձրաձայնել են դրա ենթադրյալ չարաշահման և քաղաքական հակառակորդների նկատմամբ, իրենց գնահատմամբ, որպես պատժի գործիք օգտագործելու դեպքերի մասին։
Հայաստանի խորհրդարանական ընտրությունները դիտարկած ԵԽԽՎ ամփոփիչ զեկույցում մտահոգիչ է համարել Կենտրոնական ընտրական հանձնաժողովի կողմից «առանց հիմնավոր պատճառաբանության ընտրական տեղամասերի արդյունքների անվավեր ճանաչումն ու կրկնակի քվեարկություն չնշանակելը»: Փաստաթղթում արձանագրվել են աննախադեպ արտաքին միջամտության, ներքին խոր բևեռացվածության, վարչական ռեսուրսի չարաշահման դեպքեր:
