ՀՀ վարչապետ Նիկոլ Փաշինյանը հոկտեմբերի 8-ին աշխատանքային այցով կմեկնի Թուրքմենստան՝ մասնակցելու ԱՊՀ պետությունների ղեկավարների խորհրդի հերթական գագաթնաժողովին։ Այդ մասին հայտնել են կառավարության մամուլի ծառայությունից, տեղեկացնում է Sputnik Արմենիան:
ԱՊՀ պետությունների ղեկավարների խորհրդի հերթական գագաթնաժողովն անցնելու է հոկտեմբերի 8-9-ը Թուրքմենստանի «Ավազա» ազգային զբոսաշրջային գոտում։
Քանի որ 2026 թվականին ԱՊՀ մարմինների նախագահությունը ստանձնել է Թուրքմենստանը, հանդիպումը կանցկացվի երկրի նախագահ Սերդար Բերդիմուհամեդովի գլխավորությամբ։
Այս տարի լրացել է ԱՊՀ հիմնադրման 35-ամյակը։ ԱՊՀ անդամ ինը երկրների առաջնորդները գագաթնաժողովում կամփոփեն բազմակողմ համագործակցության արդյունքները։ Օրակարգում ներառված են անվտանգության, իրավապահ ոլորտում համագործակցության, առևտրատնտեսական և էներգետիկ կապերի խորացման, ինչպես նաև կլիմայի փոփոխության հետ կապված հարցեր։
Ընդլայնված ձևաչափով նախատեսված հանդիպմանը հրավիրվել է նաև Իրանի նախագահ Մասուդ Փեզեշքիանը։
