Երևանի «Մերիդիան» էքսպո կենտրոնում հանդիսավորությամբ բարձրացվել է ՄԱԿ-ի դրոշը՝ ազդարարելով Կենսաբազմազանության մասին կոնվենցիայի կողմերի 17-րդ համաժողովի նախապատրաստական կարևոր փուլը։
Միջոցառմանը ներկա են եղել ՄԱԿ-ի Կենսաբանական բազմազանության մասին կոնվենցիայի գործադիր քարտուղար Աստրիդ Շոմեյքերը, Հայաստանում Միավորված ազգերի կազմակերպության մշտական համակարգող Ֆրանսուազ Ժակոբը, ինչպես նաև Հայաստանի պետական գերատեսչությունների և միջազգային կազմակերպությունների ներկայացուցիչներ։
Այն միաժամանակ ընդգծել է Հայաստանի՝ որպես համաժողովը հյուրընկալող պետության, և Միավորված ազգերի կազմակերպության միջև ձևավորված համագործակցությունը՝ ուղղված կենսաբազմազանության պահպանության միջազգային օրակարգի առաջմղմանը։
Հոկտեմբերի 19-30-ը Հայաստանի մայրաքաղաքում անցկացվելու է ՄԱԿ-ի Կենսաբանական բազմազանության մասին կոնվենցիայի կողմերի 17-րդ համաժողովը։
Միջազգային այս միջոցառմանը կմասնակցեն աշխարհի տարբեր պետությունների պատվիրակություններ, միջազգային կազմակերպությունների ներկայացուցիչներ, ինչպես նաև քաղաքացիական հասարակության անդամներ։
