Հանրային տրանսպորտում կնոջ հետ կոպիտ վարվելու միջադեպի վերաբերյալ ստացված հաղորդման հիման վրա նախաձեռնվել է քրեական վարույթ՝ հոգեկան ուժեղ տառապանք պատճառելու և խուլիգանություն կատարելու հոդվածների հատկանիշներով, հայտնում է Քննչական կոմիտեն:
Տարածված տեսանյութում երևում է, թե ինչպես է ուղևորը կոպիտ ձևով դիմում հատակին նստած ենթադրաբար իր կնոջը՝ պահանջելով, որ իրեն «նորմալ պահի»։ Տեսարանին արձագանքում է մեկ այլ ուղևորուհի, որից հետո վիճաբանություն է սկսվում:
Տղամարդը ձերբակալված է:
Ավելի վաղ ներքին գործերի նախարարության մամուլի քարտուղար Նարեկ Սարգսյանը հայտնել իէ, որ ՆԳՆ Համայնքային ոստիկանության Կենտրոնական բաժնի աշխատակիցների ձեռնարկած միջոցառումների արդյունքում տղամարդը հայտնաբերվել և ձերբակալվել է։
