Հայաստանի և Ադրբեջանի միջև 2026 թվականի հունվարին իրականացվել է չնույնականացված ԴՆԹ պրոֆիլների փոխանակում։ ԱԱԾ-ն հայտնել է, որ նախնական համադրությամբ համընկնումներ չեն հայտնաբերվել, տեղեկացնում է Factor.am-ը:
Ավելի վաղ այդ մասին հայտնել էր ադրբեջանական կողմը
Հոկտեմբերի 7-ին անհետ կորած անձանց հարցերով IV միջազգային համաժողովում Ադրբեջանի պետական անվտանգության ծառայության պետ, ռազմագերիների, պատանդների և անհետ կորած քաղաքացիների հարցերով պետական հանձնաժողովի նախագահ Ալի Նաղիևը հայտարարել էր, որ Ադրբեջանն առաջարկել է Հայաստանին տրամադրել ԴՆԹ-ի նմուշներ՝ Լեռնային Ղարաբաղում հայտնաբերված աճյունների նույնականացման համար, որոնք ենթադրաբար պատկանում են հայ զինծառայողների։
Նրա խոսքով՝ այդ տարածքներում հայտնաբերված աճյունների փորձաքննության արդյունքում համապատասխանություն չի հայտնաբերվել հայկական կողմից անհետ կորած համարվող 50 անձանց ԴՆԹ պրոֆիլների հետ։ Նաղիևը նշել է, որ այդ ԴՆԹ պրոֆիլները Հայաստանը փոխանցել է 2026 թվականի հունվարին։
ՀՀ ԱԱԾ-ից հայտնել են նաև, որ անհետ կորած անձանց հարազատների ԴՆԹ պրոֆիլներ ադրբեջանական կողմին չեն փոխանցվել:
«Հայաստանի Հանրապետության և Ադրբեջանի Հանրապետության՝ անհետտ կորած անձանց հարցերով զբաղվող համապատասխան հանձնաժողովների միջև իրականացվում է միջազգային մարդասիրական իրավունքով նախատեսված պարտավորությունների կատարմանն ուղղված համագործակցություն»,- հայտնել են ծառայությունից։
