«Քաղաքացիական պայմանագիր» կուսակցությունը ներկայացրել է իր թեկնածուներին նոյեմբերի 29-ին կայանալիք տեղական ինքնակառավարման մարմինների ընտրություններում:
Աշոցք համայնքի ավագանու ընտրություններին ՔՊ-ն մասնակցելու է Կարեն Մանուկյանի գլխավորած նախընտրական ցուցակով։
Աշտարակ համայնքում նույն քաղաքական ուժի ընտրական ցուցակի առաջին հորիզոնականում լինելու է Թովմաս Շահվերդյանը։
Ապարան համայնքի ավագանու ընտրություններում «Համերաշխություն» դաշինքի նախընտրական ցուցակը գլխավորելու է Կարեն Եղիազարյանը։
Բաղրամյան համայնքում «Քաղաքացիական պայմանագիր» կուսակցության ցուցակը գլխավորելու է Շանթ Առաքելյանը։
Մեծամոր համայնքի ավագանու ընտրություններում իշխող քաղաքական ուժի նախընտրական ցուցակի առաջին համարը լինելու է Սարգիս Արշակյանը։
Նոյեմբերյան համայնքում «Քաղաքացիական պայմանագիր» կուսակցության ցուցակի առաջատարը լինելու է Մխիթար Խաչիկյանը։
Սևան համայնքի ավագանու ընտրություններում կուսակցության նախընտրական ցուցակը գլխավորելու է Սուրեն Գրիգորյանը։
Սպիտակ համայնքում ևս հայտնի է դարձել «Քաղաքացիական պայմանագիր» կուսակցության ցուցակի առաջատարի անունը․ այն գլխավորելու է Քաջայր Նիկողոսյանը։
