AM
17 Նոյեմբեր 2026 - 10:42 AMT

Սևանա լճի մակարդակը նվազել է 1 սմ-ով, սակայն տարեսկզբից բարձրացել է 31 սմ-ով

Սևանա լճի ջրի մակարդակը նոյեմբերի 9-15-ն ընկած ժամանակահատվածում նվազել է մեկ սանտիմետրով՝ նոյեմբերի 15-ի դրությամբ հասնելով 1900․53 մետրի։

Չնայած մեկ շաբաթվա ընթացքում արձանագրված մեկ սանտիմետր նվազմանը՝ ցուցանիշը 24 սանտիմետրով գերազանցել է 2025 թվականի նույն օրվա մակարդակը։

Միաժամանակ, 2026 թվականի հունվարի 1-ի համեմատ լճի ջրի մակարդակը բարձր է 31 սանտիմետրով։

Հայհիդրոմետը տեղեկություններ է ներկայացրել նաև Արփա-Սևան ջրատարով լիճ տեղափոխված ջրի ծավալների վերաբերյալ։ Մասնավորապես, նոյեմբերի 9-15-ն ընկած ժամանակահատվածում ջրատարով Սևանա լիճ է տեղափոխվել 0․518 միլիոն խորանարդ մետր ջուր։

2026 թվականի հունվարի 1-ից մինչև նոյեմբերի 15-ը ներառյալ Արփա-Սևան ջրատարով լիճ տեղափոխված ջրի ընդհանուր ծավալը կազմել է 178,856 միլիոն խորանարդ մետր։