Ղազախստանի իշխանությունները երկու ամիս ժամկետով արգելք են սահմանել երկիր հավի ձվի ներմուծման վրա։ Սահմանափակումը գործում է տրանսպորտի բոլոր տեսակների համար և տարածվում է նաև Եվրասիական տնտեսական միության (ԵԱՏՄ) անդամ երկրների, այդ թվում՝ Հայաստանի վրա։
Ինչպես հայտնում են տեղական լրատվամիջոցները՝ հղում անելով համապատասխան փաստաթղթին, ժամանակավոր արգելքը վերաբերում է ԵԱՏՄ ԱՏԳ ԱԱ 040721 ծածկագրին դասվող հավի թարմ ձվին, գրում է Auroranews.am-ը:
Սահմանված արգելքը չի գործում տարանցիկ փոխադրումների դեպքում։
Բացի այդ, բացառություն է արվել ապրանքների երկու խմբի համար.
- Նախապես ձևակերպված խմբաքանակներ. ձու, որն արտահանողի կողմից մաքսային ընթացակարգով ձևակերպվել է մինչև հրամանի ուժի մեջ մտնելը, սակայն Ղազախստանի տարածք է հասել դրանից հետո (ներմուծողից պահանջվում է արտահանման կամ տարանցման հայտարարագիր)։
- Արդեն ներմուծված խմբաքանակներ. ձու, որը փաստացի երկիր է ներմուծվել մինչև սահմանափակման ուժի մեջ մտնելը (պահանջվում է բեռի ժամանումը հաստատող ուղեկցող բեռնագիր)։





