Հրանտ Շահինյանի անվ. մարմնամարզության դպրոցի տնօրեն Արմեն Սարիբեկյանը, ով մի քանի ամիս առաջ էր նշանակվել այդ պաշտոնում, օրերս ազատման դիմում է ներկայացրել: «Հրապարակ» թերթի տեղեկություններով, Սարբեկյանին ստիպել են դիմում գրել, սակայն ինքը թերթի հետ զրույցում հերքել է դա: Նա նշել է, որ սպորտից չի հեռանում, շարունակելու է մնալ Մարմնամարզության ֆեդերացիայի փոխնախագահի պաշտոնում, իսկ դպրոցի տնօրեն չի ցանկանում լինել, քանզի ժամանակը մտադիր է ծախսել սեփական բիզնեսի զարգացման համար:
Թերթի աղբյուրների համաձայն, դպրոցի տնօրենի պաշտոնակատար է նշանակվելու Կարեն Դանիելյանը, ով սպորտի հետ երբեք կապ չի ունեցել: «Հրապարակը» փոխանցում է, որ սպորտդպրոցի աշխատակիցները «զարմացել են» պաշտոնակատարի գիտելիքների վրա, ով գիմնաստիկան չի տարբերել թեթև ատլետիկայից:
