«Հիմա մեր բոլոր մտքերը կապված են Հայաստանի հետ: Հենց այդ խաղն է առաջին տեղում»,- ասել է ֆուտբոլի Ռուսաստանի հավաքականի մարզիչ Դիկ Ադվոկատը:
Նա նաև հաստատել է տեղեկատվությունը, որ հունիսի 7-ին Ռուսաստանի հավաքականն ընկերական հանդիպում է անցկացնելու Կամերունի հավաքականի հետ, որը կայանալու է ավստրիական Զալցբուրգում, հաղորդում է sport-express.ru-ն:
«Մենք տարբերակ ունեինք խաղալ Արգենտինայի հավաքականի հետ, բայց քանի որ խաղը պետք է տեղի ունենար երկուշաբթի ուշ երեկոյան, մտավախություններ կային ֆուտբոլիստների վիճակի համար: Իհարկե, նման ուժեղ թիմի հետ մրցելու գայթակղությունը մեծ է, սակայն խաղացողների առողջությունն ավելի կարևոր է: Ինչ վերաբերվում է Կամերունի հավաքականին, ապա դա աֆրիկյան լավագույն թիմերից է, որի հետ խաղը նույնպես շատ հետաքրքիր է լինելու»,- ասել է Ադվոկատը:
