Գևորգ Հովհաննիսյանը Երևանում Հովիկ Հայրապետյանի անվան ձիարշավարանում կայացած Հայաստանի ձիասպորտի Գրան Պրիի հաղթող է դարձել: Հովհաննիսյանը ներկայացնում է «Մուլտի Գրուպ» ակումբը և 11 ժոկեյներից միակն էր, ով կարողացավ առանց տուգանային միավորների անցնել բոլոր խոչընդոտները:
Հովիկ Հայրապետյանի ձիարշավարանի ներկայացուցիչ Մարկ Բաղդասարյանը զբաղեցրել է երկրորդ տեղը, իսկ Ալբերտ Սուքիասյանը «Սիլ» ակումբից ցուցադրեց երրորդ արդյունքը: Առաջնության մրցանակային ֆոնդը կազմում էր 600 հազ. դրամ, PanARMENIAN.Net-ի թղթակցին հաղորդել են Հայաստանի Ձիասպորտի ֆեդերացիայի մամլո ծառայությունից:
Այժմ Հայաստանի լավագույն ժոկեյները կմարզվեն աշնանը Թբիլիսիում կայանալիք Կովկասի Գավաթին մասնակցության համար:
