Նախագահ Սերժ Սարգսյանն այսօր` հուլիսի 11-ին ցավակցական հեռագիր է հղել Ուկրաինայի նախագահ Վիկտոր Յանուկովիչին՝ Ռիվենսկի երկրամասի սոցիալական ծառայության կենտրոնում բռնկված հրդեհի կապակցությամբ, որին զոհ են դարձել տարեց մարդիկ:
Նախագահն այդ ողբերգական իրադարձության կապակցությամբ իր ցավակցությունն է հայտնել զոհվածների հարազատներին ու մտերիմներին, անկեղծ կարեկցանքը՝ Ուկրաինայի նախագահին և ժողովրդին:
16 մարդ է զոհվել Ռիվենսկի երկրամասի սոցիալական ծառայության կենտրոնում բռնկված հրդեհի արդյունքում կիրակի լույս երկուշաբթի գիշերը: 11 հոգի գտնվում են հիվանդանոցում: Բոլոր զոհվածները թոշակառուներ են:
