Կայացան Հայաստանի ֆուտբոլի Գավաթի 1/4 եզրափակչի բոլոր հանդիպումները: «Փյունիկը» Երևանում` Ֆուտբոլի ակադեմիայում ընդունեց «Միկային»: Թիմերին այդպես էլ չհաջողվեց բացել հաշիվը, և հանդիպումն ավարտվեց զրոյական ոչ ոքիով:
«Շիրակը» 2:1 հաշվով հաղթեց «Բանանցին»: Գյումրու թիմի կազմում աչքի ընկան Գևորգ Հովհաննիսյանն ու Անդրանիկ Բարիկյանը, իսկ հյուրերից միակ գոլն իրացրեց Սարգիս Կարապետյանը: Պատասխան հանդիպումները կկայանան նոյեմբերի 24-ին:
Մյուս երկու զույգերից «Ուլիսը» 3:1 հաշվով ավելի վաղ հաղթանակ էր տարել «Արարատի» նկատմամբ, իսկ «Գանձասարը» զիջել էր «Իմպուլսին»:
