Սիրված դերասան, ռեժիսոր Վարդան Պետրոսյանը գտնում է, որ սովետական «օրինակելի» բանակը հայկական բանակից լավը չի եղել, ինչքան էլ մարդիկ ուզում են ապացուցել հակառակը: Լրագրողների հետ զրույցի ժամանակ նա խոստովանեց, որ ծառայել է Մոսկվայում, և ահավոր բաների է ականատես եղել: «Երկու զինվորի այնքան էին ծեծել, որ գժվել էին», լրագրողների հետ հանդիպման ժամանակ խոստովանեց նա: Բացի դրանից, խորհրդային բանակում բացի «դեդովշինայից» կար նաև ազգային հարց:
Նրան հաճախ մեղադրում են, որ իր որդուն` Հայկին, չի «ազատում» բանակից, այնինչ նա գտնում է, որ բոլորը պետք է ծառայեն և պաշտպանեն մեր մայրերին ու քույրերին: Նա նաև գտնում է, որ հարևան երկրների բանակում նույն վիճակն է տիրում, իսկ Թուրքիայի բանակի մարտունակությանը չի հավատում, որովհետև չի տեսել, թե ինչպես է այն մարտնչում:
