Դոնեցկի քաղաքապետ Ալեքսանդր Լուկյանչեկոն հայտարարել է, որ ՈւԵՖԱ-ն խոստացել է քաղաքային տրամվայների և տրոլեյբուսների վարչությանը 280 հազար եվրո փոխհատուցել Եվրո-2012-ի երկրպագուներին տեղափոխելու համար: Ֆուտբոլի արտասահմանցի երկրպագուների համար տրոլեյբուսներում և տրամվայներում անցաթուղթ են ծառայելու խաղերի տոմսերը, փոխանցում է ura-inform.com-ը:
Երկրպագուները, Եվրոպայի առաջնության խաղերի տոմսերով կկարողանան անվճար երթևեկել հասարակական տրանսպորտում: Փոխհատուցումը լինելու է մեկ եվրո յուրաքանչյուր երկրպագուի համար, ով Դոնեցկում կմնա առաջնության ողջ ընթացքում: Հիշեցնենք, որ ավելի վաղ Խարկովի իշխանությունները Եվրո-2012-ի համար նախապես նոր տրոլեյբուսներ էին գնել:
