Կուբայի նախկին առաջնորդ Ֆիդել Կաստրոն Գիննեսի Ռեկորդների գրքում է հայտնվել իր հանդեպ կատարված մահափորձերի քանակով, հաղորդել են ուրբաթ օրը տեղական լրատվամիջոցները:
«Կուբական հեղափոխության պատմական առաջնորդ Ֆիդել Կաստրոն Գիննեսի Ռեկորդների գրքում է ընդգրկվել` որպես առավելագույն քանակությամբ մահափորձերի ենթարկված մարդ»,- հաղորդում են պաշտոնական կուբական ԶԼՄ-ները:
Մահափորձերը հաշվելիս հատուկ հանձնաժողովն օգտագործել է ամերիկյան ԿՀՎ հետախուզության արխիվները, քանի որ մահափորձերի մեծամասնությունը հենց նրա նախաձեռնությամբ է կատարվել, հաղորդում է Ինտերֆաքսը:
«Ընդհանուր առմամբ նախկին կուբական առաջնորդի հանդեպ 638 մահափորձ է կատարվել ամենատարբեր միջոցներով` ներառյալ դիպուկահարների հարձակումները, կոշիկների և անգամ բեյսբոլի գնդակի մեջ թաքցրած պայթուցիկ սարքերը, թույնը սիգարներում»,- հաղորդում է կուբական վեբ-կայքերից մեկը` հավելելով, որ հարձակումներից և ոչ մեկը չի հասել իր նպատակին:
