Գլենդեյլում լույս է տեսել ամերիկահայ նկարչուհի Սիրուն Երիցյանի աշխատանքների պատկերագիրքը: Ինչպես հայտնում է «Մասիս» թերթը, այն սյուրռեալիստ նկարչուհու առաջին գիրքն է, չնայած նա երկար տարիներ զբաղվում է նկարչությամբ: Այն տպագրվել է «Աբրիլ» հրատարակչատանը, և պարունակում է 200 էջ:
Սիրուն Երիցյանը ծնվել է 1951 թ-ին Բեյրութում: Մասնակցել է 50-ից ավելի ցուցահանդեսներին Հայաստանում և ԱՄՆ-ում: Առաջին անհատական ցուցահանդեսը կայացել է 1991 թ-ին: Ունի բազմաթիվ շարքեր «Խաչելություն», «Նռներ», «Անտունը» և այլն: Զբաղվում է նաև քանդակագործությամբ և իլյուստրացիաներով: Ամենահայտնի շարքն է «Մեծարանք»-ը, որտեղ ներկայացվում է հայկական այբուբենը, հայ մանրանկարչությունը և այլն:
