Եգիպտոսի նախկին նախագահ Հոսնի Մուբարաքը վախենում է իր կյանքի համար իր վաղեմի թշնամիների՝ «Մահմեդական եղբայրների» իշխանության գլուխ բարձրանալու պայմաններում և խնդրում եվրոպական ու արաբական երկրների առաջնորդներին ճնշում գործադրել Եգիպտոսի նոր իշխանությունների վրա, ինչպես նաև օգնել նրա կնոջը և դստերը լքել Եգիպտոսը:
Ինչպես գրում է «Ռոզ ալ Յուսեֆ» շաբաթաթերթը, նամակները հասցեագրվել են ԱՄՆ, Գերմանիայի, Ֆրանսիայի, Մեծ Բրիտանիայի, Իտալիայի, Բահրեյնի, Սաուդյան Արաբիայի, Քուվեյթի, Լիբանանի ղեկավարներին:
Մուբարաքի խոսքով, Եգիպտոսում իշխանությունը համարյա գտնվում է նրա վաղեմի թշնամիների՝ «Մահմեդական եղբայրների» ձեռքում, որոնցից պետք չէ գթասրտություն ակնկալել:
