Եմենի տեղեկատվության նախարար Ալի ալ-Ամրանիի հանդեպ մահափորձ է կատարվել երկրի մայրաքաղաք Սանայում, ընդ որում, պաշտոնյան չի տուժել, հաղորդում է Reuters գործակալությունը` հղում կատարելով նախարարի օգնական Աբդել-Բասետա ալ-Քայեդիին:
Ալ-Քայեդիի խոսքով, անհայտ հանցագործներ կրակ են բացել Ալի ալ-Ամրանիի ավտոմեքենայի ուղղությամբ, երբ վերջինս վերադառնում էր նախարարների կաբինետի շաբաթական խորհրդակցությունից, հաղորդում է ՌԻԱ Նովոստին: Հարձակվողներին հաջողվել է չքվել:
