Ամերիկացի գիտնականները այն եզրակացության են եկել, որ մարդիկ, ովքեր տառապում են ճարպակալումից, մյուսներից ավելի հաճախ են ցավ զգում, այն առաջացնող քրոնիկ հիվանդությունների բացակայության պայմաններում, հայտնում է WebMD-ին:
«Հիվանդությունները կարող են ցավ առաջացնել, սակայն ցավի և ճարպակալման միջև կապի պարտադիր նախապայման չէ»,- հայտարարել է Սթոուն Բրուքի նյույորքյան համալսարանի Բժշկական կենտրոնի հետազոտող Արթուր Սթոունը:
Իր հետազոտությունում գիտնականներն օգտագործել են տվյալներ, որոնք ստացվել են 2008-2010թթ Gallup ընկերության կողմից իրականացված հեռախոսային հարցումներից:
Ստացված տվյալների համաձայն պարզ է դարձել, որ մասնակիցների մարմնի քաշի ավելացմամբ, աճում էր նաև նրանց մոտ ցավի զգացման ծագման հավանականությունը:
Ինչպես և սպասվում էր, ցավազգայության էական բաժինը ընկնում էր քրոնիկ հիվանդություններին, որոնք հաճախ զուգահեռ են ընթանում ճարպակալմանը: Նման հիվանդությունների բացառումից հետո քրոնիկ ցավերի հաճախությունը նորմալ և քաշի ավելցուկով խմբերում հավասարվել է: Սակայն, ճարպակալմամբ տառապող մարդկանց մոտ այն միևնույն է բարձր է մնում:
Նման փոխադարձ կապի մեխանիզմն առայժմ պարզված չէ: Սթոունը կարծում է, որ դա կարող է կապված լինել բորբոքային միջնորդանյութերի հետ, որոնք արտադրվում են ճարպային բջիջների կողմից և գրգռում ցավային ընկալիչները: Նա առաջարկել է ավելի ուշադիր լինել այս հանգամաքին և ավելի մանրամասնորեն հետազոտել պատճառները:
